Rreziku për zjarre nga temperaturat e larta, “alarm i kuq” në jug të Francës

23:22 | 30 Korrik 2023
Orgesa Haziri

“Alarmi i kuq” është shpallur në jug të Francës pasi temperaturat përvëluese po paraqesin “rrezik shumë të lartë nga zjarret”.

Administrata Meteorologjike Franceze paralajmëroi se nesër do të ketë “rrezik shumë të lartë zjarresh” në rajonin Var.
Në rajon është aktivizuar “alarm i kuq”, pasi temperaturat e ajrit që kanë arritur mbi normalen sezonale po paraqesin rrezik për të shkaktuar zjarre në pyje dhe për të përhapur flakët.

Një nivel më i ulët rreziku, “alarm portokalli”, është shpallur në rajonin Bouches-du-Rhone, ndërsa për rajonet Aude, Herault, le Gard, Aveyron, Ardeche, Drome, Hautes-Alpes, Alpes-de-Haute-Provence, Alpes-Maritimes, Vaucluse, Haute-In Corse dhe Corse-du-Sud u kërkua vigjilencë në lidhje me rrezikun e zjarreve.

Nga ana tjetër, zjarret e mëdha dhe të vogla që shpërthyen në disa rajone, si Haute-Corse dhe Nice, janë vënë nën kontroll brenda një kohe të shkurtër me ndërhyrjen e zjarrfikësve./TCH/

Shpërndaje në rrjete sociale

Lajmet më të lexuara

Të ngjashme

Foto lajm